Kosblik 101 / Lunch boxes

Sjokoladekolwyntjies met appel

Dec 11, 2018 | Baking, Chocolate, Desserts, sweet treats & baking, Kosblik 101 / Lunch boxes | 1 Comment

Suid-Afrikaners is dol oor bak. En hierdie tyd van die jaar is dit beslis een of ander tyd deel van almal se feestydbeplanning. Sjokolade en kaneel is ’n smullekker kombinasie en in hierdie klam kolwyntjies is die subtiele smaak van die kaneel baie lekker – veral omdat dit ook met appel gekombineer word. Dit mag dalk na ’n vreemde kombinasie klink, maar om die suiker in die kolwyntjies minder te maak, is die natuurlike soet smaak van appels gebruik. En appel en kaneel vul mekaar se smake altyd baie goed aan.

Klein vark-&-appelburgers

Dec 7, 2018 | Kosblik 101 / Lunch boxes, Light meals, Light meat | 0 Comments

Sodra die vakansie aanbreek, is jou roetine hopelik ook bietjie rustiger. Dis ’n ideale tyd om die kinders in die kombuis te laat help. Hoe meer hulle daar betrokke is, hoe groter is die kans dat hulle opgewonde is om dit te eet waarmee hulle gehelp het. En moenie verbaas wees as hulle dan ook meer avontuurlustig is met nuwe geure en bestanddele nie. Hierdie varkburgers is so maklik om te maak en selfs ’n kleiner kind kan help om die maalvleismengsel in balletjies te rol. Die geurkombinasie van varkvleis, appel, kruie en speserye is heerlik.

Bros mieliemeel-tortillas

Nov 16, 2018 | Kosblik 101 / Lunch boxes, Light meals, Light vegetarian, Vegetarian | 1 Comment

Die einde van die jaar is om die draai en daarmee saam, word die dae warmer. Ligter etes met somerslaaibestanddele en vars produkte is nou ook meer gereeld op ons tafels. Daar is soveel om van te kies en omdat seisonale vars goed so geurig is en dikwels mekaar se geure op jou bord komplimenteer, hoef jy nie veel daarmee te doen, om lekker te kan eet nie. Om solank ’n paar idees vir die vakansietyd bymekaar te maak, kan ook nie skade doen nie.

Oosterse roerbraai & ’n knibbelhappie

Nov 9, 2018 | Extras, Kosblik 101 / Lunch boxes, Light meals, Light vegetarian, Savoury snacks | 0 Comments

Het jy al roereier met Oosterse geure gemaak? Die feit dat eiers so veelsydig is, maak dit maklik om amper elke keer ’n nuwe geurkombinasie te probeer. Met ‘tuisgemaakte’ klappermelk, ’n bietjie brandrissie en kleurvolle groente, voorgesit met vars koljanderblare en avokado, is dié roereier beslis iets anders.

Gesonde peuselhappies vir kinders

Nov 2, 2018 | Baking, Chocolate, Desserts, sweet treats & baking, Extras, Fruit, Kosblik 101 / Lunch boxes, Light vegetarian, Savoury snacks, Sweet snacks | 0 Comments

Mieliemeelmuffins, ’n knibbelhappie met appel, klapper en neute of dalk groentekebabs – dis alles peuselkos waarvan my kinders baie hou. As ek met lekker en gesonde peuselgoed hul eksamentyd so bietjie makliker kan maak, dan doen ek dit met liefde. ’n Mens voel mos dikwels lus vir iets om te eet as jy vir lang tye moet sit en swot. Die idees is natuurlik ook perfek vir die hele gesin se kosblikke. En oor ’n maand is dit amper vakansietyd, so dan is hierdie happies sommer lekker padkos ook.

Botterskorsie-&-bokmelkkaas-slaai

Oct 29, 2018 | Accompaniments, Extras, Kosblik 101 / Lunch boxes, Light meals, Light vegetarian, Mains, Salad as a meal, Salad as a side, Sides & salads, Vegetarian | 0 Comments

Botterskorsie is een van my gunsteling-groentes. Die lys van redes is lank, maar die veelsydigheid en natuurlike soet smaak staan heel bo aan. In hierdie feestelike slaai dien dit beide as groente en stysel en is heerlik saam met braaivleis, hoender, vis of vark.

Appelslaai met kekerertjies & dukkah

Oct 26, 2018 | Kosblik 101 / Lunch boxes, Light meals, Light vegetarian, Mains, Salad as a meal, Salad as a side, Sides & salads, Vegetable side, Vegetarian | 0 Comments

Dukkah en kekerertjies met sappige appels, ’n paar kruieblare en saggekookte eiers is ’n lenteslaai uit die boonste rakke. Een van die lekkertes van hierdie tyd van die jaar, is dat daar wonderlike vars produkte is om mee kreatief te wees. Met net ’n paar bestanddele en ’n interessante geurmiddel kan jy met min moeite ’n ete gereed hê.

Franse roosterbrood

Oct 19, 2018 | Desserts, sweet treats & baking, Fruit, Kosblik 101 / Lunch boxes, Light vegetarian, Sweet snacks | 1 Comment

Franse roosterbrood is ’n bekende ontbyt idee, maar dis ewe lekker as ligte ete en boonop kan jy byna enige iets as bolaag daarop eet. Hier is my resep vir dié gereg, met drie idees om dit mee voor te sit: pangebraaide sampioene met maaskaas en roket of kaas, tamatie en vars kruie. En as jy van ’n soeter smakie hou, is daar vars pere met heuning, kaneel en neute.

Eier-pizza met maalvleis

Oct 12, 2018 | Kosblik 101 / Lunch boxes, Light meals, Meat | 0 Comments

Eiers, maalvleis, gerasperde kaas en vars tiemie is amper al wat nodig is vir hierdie lekker ete. Die eier word as basis vir ’n pizza-idee gaargemaak en dan word die maalvleis en kaas as bolaag gebruik. En wat is dan nou lekkerder as om Wêreld Eierdag hiermee te vier. Dis wel ook Nasionale Sampioendag, so as daar sampioene in die slaai saam met die eier-pizza is, het jy ’n wonderlike maaltyd wat wag

Omelette met groente & kruie

Oct 5, 2018 | Breakfast, Kosblik 101 / Lunch boxes, Light meals, Light vegetarian, Mains, Vegetarian | 0 Comments

Die eenvoud van ’n eier is dalk juis die rede waarom dit so veelsydig is. Met eiers kan jy in ’n japtrap ’n vullende en voedsame ete voorberei en soveel ander bestanddele is perfekte pasmaats vir dié proteïen-bom. Wat sit jy graag as vulsel in ’n omelet?

Gevulde omelette kan sonder veel moeite met ’n paar interessante bestanddele in ’n gourmet-ete omskep word. En dis beslis nie net vir ontbyt bedoel nie. Dis ook ’n maklike manier om ’n ete gebalanseerd te hou, want met jou keuse van vars vulselbestanddele en ’n slaai daarmee saam, kan jy al die belangrike voedselgroepe insluit. Gebruik dit wat in seisoen is vir die meeste geur en as daar iets uit kleurgroep op jou bord is, is dit reeds gesond en lyk dit sommer ook aptytlik.