Hutspot met tuna en groente
Tuna is so veelsydig en hierdie vinnige eenpotgereg is propvol wintergeure en perfek om sommer uit ’n bakkie te eet. Daar is genoeg stysel in die gereg, so sit dit net so voor vir ‘n vullende ete.
Sardyne-gebak
Hierdie aandete is ’n wenner – vinnig, vullend en so maklik om te maak. Selfs mense wat nie dol is oor geblikte vis nie, geniet die gereg. Geblikte sardyne is propvol voedingswaarde, want dit is ’n uitstekende bron van proteïene, gesonde olies en kalsium. Die groente in die gereg kan met enige bevrore groente soos ertjies, boontjies of mielies verder aangevul word.
Hoender-en-wortelkerrie
Die wortels maak die gereg lekker kleurvol en is genoeg stysel vir die ete, so dit kan net so voorgesit word. As julle verkies, geniet dit saam met klein porsies bruinrys of bruin basmatirys.
Geroosterde wortelsop
Hierdie Geroosterde wortelsop is ’n maklike en vinnige sop met baie geur vir ’n lekker winters-ete. Die natuurlike soet smaak van wortels is ideaal saam met die ander groente.
Oondgeroosterde wortels, patats & eiervrug met komyn
Wonder jy soms wat die beste gaarmaakmetode vir ‘n spesifieke bestanddeel is? Die regte keuse kan nogal ’n groot verskil aan die eindresultaat maak. Dit gee ook ekstra geur én behou meer van die tekstuur, kleur, geur en voedingswaarde.