Nektarien-&-bloukaasslaai

Nektarien-&-bloukaasslaai

Slaai het deesdae ’n heeltemal nuwe betekenis en hoef lankal nie meer net blaarslaai met komkommer, tamatie en wortelrepies te wees nie. Slaaie kan ’n ete op hul eie wees of die fokuspunt van ’n eenvoudige ete. Wissel soms die bestanddele af vir ’n vinnige nuwe idee. Vrugte is ’n wonderlike bestanddeel in ’n slaai en saam met ’n paar ander vars elemente is hierdie ’n delikate, maar besondere smaaksensasie.

Romerige appelkoosnagereg

Romerige appelkoosnagereg

Die somer maak jou vrugtemandjie tot boordens toe vol. Daar’s ‘n kleurvolle verskeidenheid en steenvrugte bring die sonskyn sommer op baie maniere tafel toe. Dit is waarop LiG Tydskrif se Februarie artikel fokus.
Geniet die vrugte nét so of gebruik dit in slaaie of nageregte. As die vrugte oorryp word, kan jy ’n puree daarmee maak om te vries of gebruik vir hierdie heerlike nagereg.

Hawermout met lekkertes bo-op

Hawermout met lekkertes bo-op

Wat is vir jou die lekkerste manier om hawermout vir ontbyt te eet? Dalk ken jy dit met melk en suiker, maar het jy al kaneel, piesang en ’n drupsel heuning probeer? Of selfs ’n handjievol gekapte amandels daarby. Daar is ’n lang lys vrugte en bessies om van te kies wat alles heerlik is op hawermout, van druiwe of perskes tot mango en papaja. Kombineer dit met neute of sade vir ekstra tekstuur of selfs tuisgemaakte muesli – die opsies is eindeloos. Dis soms juis die tekstuur van gaar hawermout wat baie mense afsit, so as jy dit met growwer bestanddele meng, is dit ’n geurige manier om hierdie gesonde bestanddeel as ontbyt te geniet.

Appel-happies met grondboontjiebotter

Appel-happies met grondboontjiebotter

Sodra die somer aanbreek, begin baie mense ’n hernude poging aanwend om gesond te leef en eet. Somersklere wys mos so bietjie meer as die winterlae waaronder ’n mens makliker jou lyf kan verbloem. Gesonde eetgewoontes is iets wat regtig nie so moeilik is om te volg nie en as die hele gesin dit hul manier van doen maak, is dit soveel makliker om dit heeljaar vol te hou.

error: Content is protected !!

Pin It on Pinterest