This hearty lamb stew warms you up from the inside out. It packs a flavour punch and is the perfect meal to share around a table this winter. You can easily adapt the spicy kick according to your preference. Click for the English and Afrikaans versions of the recipe.
’n Mieliesop is dikwels ’n dik en romerige wintersop, maar hierdie is ’n ligte, vars weergawe. Dis so geurig en kan as voorgereg of ligte maaltyd voorgesit word. Maak dit meer vullend met iets soos spek of skyfies chorizo as jy wil.
Dié slaai is altyd vir mense ’n verrassing, want die slaaisous gee dit ’n interessante kinkel. Geniet die slaai as bygereg of ligte vegetariese ete.
Sjokolade en speserye saam? Ja, beslis en veral as jy van Meksikaanse kos hou. Diepgebraaide churros met sjokoladesous is ’n bekende nagereg. Die deeg is byna soos ’n choux-deeg en word met ’n spuitsak in diepolie gespuit en so gebraai. Hierdie is my vinnige weergawe met ’n soortgelyke idee – net heelwat minder moeite.
’n Meksikaanse fees
Hoender in ’n geurige Meksikaanse sous van tamatie, soetrissies, gemaalde komyn, koljander, paprika en rooi nierboontjies – koesterkos. Dalk ken jy dit meer as chilli con carne met maalvleis, maar glo my, dis die perfekte kombinasie met hoender. Die lekkerte van ’n Meksikaanse ete is al die bakkies bykomstighede waarmee die hoofgereg geniet kan word. Die geure van die souse en salsa is ’n ontploffing van smake in jou mond.