Plaatkoekies met spek, bessies & jogurt/ Flapjacks with bacon, berries & yoghurt
Plaatkoekies = bederf
Plaatkoekies is sinoniem met my kinderdae. Dit was ’n manier waarop my ma ons bederf het en ek onthou baie spesiale naweektye om ’n ontbyttafel met warm plaatkoekies. Wel, dit bly mos maar ’n persoonlike keuse, want daar is so baie moontlikhede. Is dit spek en heuning of liewer kaas en konfyt? Of het jy ’n ander lekker kombinasie?
Subtiele geur
Dié resep het ek jare gelede ontwikkel en dit bly ’n staatmaker. Ek het dit al soveel keer gemaak en deesdae is dit vir my kinders weer ’n groot bederf. Die karringmelk in die resep maak die plaatkoekies ekstra veerlig en ek sit glad nie suiker in die beslag nie, want die suurlemoenskil en vanielje gee dit ’n heerlike geur. Op dié manier is die plaatkoekies ook ideaal met enige bolaag.
Ek sit dit elke keer met ander elemente voor, maar my gesin is dol oor die kombinasie van spek, bessies, jogurt en ’n bietjie heuning. Het jy dit al met forel of salm met suurroom en roket of dalk piesang, grondbootjiebotter, kaneel en heuning probeer.
Hier is ’n lekker wenk: moenie die pan te warm maak as jy plaatkoekies bak nie, want dan brand dit te maklik en is die plaatkoekies dikwels nog rou aan die binnekant. Werk liewer oor ’n matige hitte, want dan het jy minder olie ook nodig. Lekker bak!
Toppings galore
These flapjacks (recipe in ENGLISH below) are so light and fluffy, thanks to the buttermilk in the batter. I have made this uncountable times and love serving it with different elements every time. From berries and yoghurt, seasoned with some lemon rind to bacon, honey, nuts and even other savoury options like tomatoes, cheese or avocado. They can easily be enjoyed as a teatime treat or for a special brunch. Even the combination of banana, peanut butter, cinnamon and honey makes a delicious topping for these little bakes. If you really want to make it a special treat, then small dollops of sour cream with smoked salmon or trout and rocket will be absolutely amazing.
Resep
Plaatkoekies met spek, bessies & jogurt
Lewer ongeveer 24 plaatkoekies
Bestanddele
500 ml (280 g) koekmeel
15 ml (1 e) bakpoeier
2 groot eiers
15 ml (1 e) fyngerasperde suurlemoenskil
500 ml (2 k) karringmelk
5 ml (1 t) vanieljegeursel
60 ml (¼ k) botter, gesmelt
olie vir braai
ongegeurde jogurt, ekstra gerasperde suurlemoenskil, heuning, spek en bessies om mee voor te sit
Metode
- Sif die droë bestanddele saam in ’n mengbak. Klits die eiers, suurlemoenskil, karringmelk en vanielje saam en maak ’n holte in die middel van die meelmengsel.
- Klits die eiermengsel by die meel tot ’n gladde beslag vorm. Wees versigtig om dit nie te veel te meng nie, want dit kan die plaatkoekies swaar maak. Roer die botter goed deur.
- Verhit ’n dun lagie olie oor matige hitte in ’n groot braaipan. Skep lepelsvol beslag in die pan – besluit self hoe groot jy die plaatkoekies wil maak.
- Braai tot lugborrels bo-op vorm en draai versigtig met ’n eierspaan om. Braai net ’n paar minute tot gaar en goudbruin aan die ander kant. Hou die plaatkoekies warm, terwyl die res gebak word. Voeg nog olie in die pan by soos nodig, maar moenie die pan te warm maak nie, anders brand die plaatkoekies voor dit gaar is.
- Bedien die plaatkoekies warm en sit met die jogurt (of sien die wenk hier onder), suurlemoenskil, heuning, spek en bessies voor.
Wenk: geur 200 ml ongegeurde jogurt met 7,5 ml fyngerasperde suurlemoenskil of na smaak en roer 15 ml heuning by. Maak die mengsel net voor die plaatkoekies voorgesit word.
Recipe
Flapjacks with bacon, berries & yoghurt
Makes about 24 flapjacks
Ingredients
500 ml (280 g) cake flour
15 ml (1 tbsp) baking powder
2 large eggs
15 ml (1 tsp) finely grated lemon rind (optional)
500 ml (2 cups) buttermilk
5 ml (1 t) vanilla essence
60 ml (¼ cup) butter, melted
oil for frying
plain double-thick yoghurt, extra finely grated lemon rind, cooked bacon, honey, and berries for serving
Method
- Sieve the dry ingredients together in a large mixing bowl. Whisk the eggs, lemon rind, buttermilk and vanilla together in a jug.
- Make a well in the middle of the dry mixture and pour the egg mixture in. Whisk well to form a smooth batter, taking care not to overmix the batter as that reduces the fluffiness of the flapjacks.
- Stir in the butter until mixed through.
- Heat a thin layer of oil over a medium tempertaure in a large frying pan. Place spoonfuls of the batter, about 30-50 ml each, in the pan depending on the size flapjacks you prefer.
- Fry until bubbles start to form on top of each flapjack, carefully turn over with an egg lifter. Fry for another minute or two on the other side, until golden brown and cooked.
- Keep flapjacks warm while frying the rest. Add a bit more oil to the pan if necessary, but take care not to overheat the pan, as the flapjacks will burn easily.
- Serve flapjacks warm with the yoghurt, lemon rind, bacon, honey and berries, or with any of the suggested toppings above.
Tip: Season 200 ml plain, double-thick yoghurt with 7,5 ml finely grated lemon rind or more to taste. Stir in 15 ml honey and dollop onto warm flapjacks.
In Somer 2021 was hierdie Plaatkoekies met spek, bessies & jogurt deel van ’n artikel oor laatontbyt-idees in LiG Tydskrif.
Foto’s: Adel Ferreira.