Basiliekruidpesto
Dié tyd van die jaar is basiliekruid in seisoen en perfek vir ’n verskeidenheid somergeregte. Dis maklik om in jou kruietuin te laat groei en as jy ’n lekker groot oes het, móét jy eenvoudig pesto maak. Pesto is tipies ’n mengsel van fyngemaakte vars basiliekruidblare, knoffel, olyfolie, kaas en neute.
Jaffels met twee vulsels
Jaffels is vir baie mense sinoniem met hul kinderdae of ’n kerkbasaar. Deesdae is dit weer baie gewild en menige van ons het weer ’n ma of ouma se jaffelpan iewers gaan uitkrap. Volgens die kalender, het die somer ook amptelik aangebreek en Suid-Afrikaners het nie veel uitnodiging nodig om dan ’n vuur aan te steek nie. Ons sal ’n wye verskeidenheid kos en geregte oor die kole gaarmaak en vir party van ons is dit juis die lekkerte van vakansietye. Dis ook ’n tyd om met familie en vriende te kuier en as kosmaak deel van die gesellige samesyn is, soveel te beter. Hierdie jaffels (ek noem hulle sommer ronde kolebroodjies) is ’n uitstekende voorbeeld van iets wat sommer so tussen die gesels deur, gemaak kan word.
Botterskorsie-&-bokmelkkaas-slaai
Botterskorsie is een van my gunsteling-groentes. Die lys van redes is lank, maar die veelsydigheid en natuurlike soet smaak staan heel bo aan. In hierdie feestelike slaai dien dit beide as groente en stysel en is heerlik saam met braaivleis, hoender, vis of vark.
Mieliepap met tamatiesmoor
Mieliepap met ’n tamatiesmoor en wors bly ’n wonderlike ete. Sit ’n paar sampioen-kebabs daarby en jy het ’n smullekker ete. En as jy ’n growwe mieliemeel gebruik, is die pap selfs nog lekkerder. Hoe hou julle van mieliepap? Fyn krummels, met groot klonte of ’n meer loperige tekstuur (slap-pap)?
Aartappelslaai met kruie
Aartappels is een van die bekendste stysel-opsies vir bygeregte en daar is eindelose maniere om dit gaar te maak, te geur en voor te sit. Een van die gewildste maniere bly ’n aartappelslaai – veral in Suid-Afrika, want daar is min braai-etes wat nie ’n aartappelslaai op tafel insluit nie.
Pink Lady® Appel compote
Appels, korrelmosterd, ‘n bietjie asyn en siedaar – ‘n baie lekker appel-compote wat op verskillende maniere gebruik kan word. Maak ‘n flessie of twee vol en hou dit in jou yskas om ‘n hamburger, varkworsie of stukkie steak in ‘n japtrap op te kikker.
Sampioenpatee
Sampioene gee aan ’n gereg ’n baie unieke en interessante geur, veral as dit eers gaargemaak word om daardie bekende neuterige smaak te beklemtoon. Hierdie vinnige sampioenpatee kan op soveel lekker maniere gebruik word – van ’n doopsous met groenterepies, smeersel vir ’n gourmet-toebroodjie tot ’n sous op ’n stukkie steak.
Caramelised onions
I have used the word versatile many times, so now I should rather refer to multi-purpose – because that is exactly what these onions are. They are one of those very, very popular recipes that I have shared with so many people. Like so many other recipes, it is those...