Quiche met ham, emmenthaler & tiemie
Quiche is so ’n lekker ligte ete vir die somer en perfek vir ’n laat-ontbyt. Daar is baie opsies om as vulsel vir ’n quiche te gebruik, maar dié kombinasie van ham en ’n geurige kaas is ’n wenner.
Roosterbrood met groente, eier & mosterdkaassous
Panbraai groente en sit dit met ‘n geposjeerde of gebakte eier op dik skywe vars of geroosterde brood voor. Skep lepelsvol geurige kaassous oor en rooster dit vir ekstra lekkerte onder ’n warm element – dis só lekker!
Pangebraaide groente met eier
Soteer groente soos sampioene, boontjies, murgpampoentjies en ertjies is blitsvinnig in ’n pan en geur dit met korrelmosterd en kruisement vir ’n spesiale ete. Die eier maak dit lekker vullend en dis ’n ete wat perfek is vir enige tyd van die dag.
Bros mieliemeel-tortillas
Die einde van die jaar is om die draai en daarmee saam, word die dae warmer. Ligter etes met somerslaaibestanddele en vars produkte is nou ook meer gereeld op ons tafels. Daar is soveel om van te kies en omdat seisonale vars goed so geurig is en dikwels mekaar se geure op jou bord komplimenteer, hoef jy nie veel daarmee te doen, om lekker te kan eet nie. Om solank ’n paar idees vir die vakansietyd bymekaar te maak, kan ook nie skade doen nie.
Appelslaai met kekerertjies & dukkah
Dukkah en kekerertjies met sappige appels, ’n paar kruieblare en saggekookte eiers is ’n lenteslaai uit die boonste rakke. Een van die lekkertes van hierdie tyd van die jaar, is dat daar wonderlike vars produkte is om mee kreatief te wees. Met net ’n paar bestanddele en ’n interessante geurmiddel kan jy met min moeite ’n ete gereed hê.