’n Eenvoudige kombinasie van treffende bestanddele bly altyd ’n wenner. Vir hierdie resep het ek knopiesampioene in ’n mengsel van olie, balsamiese asyn, korrelmosterd en kruie gemarineer. Die marinade is sommer ook die slaaisous en die slaai is ewe lekker as bygereg of voorgereg.
Roereier is seker een van die eenvoudigste en vinnigste etes om voor te berei. Sit jy nou boonop ’n paar lekker bestanddele by, dan het jy in ’n japtrap ’n ete wat menige se monde sal laat water. Eier is een van daardie kossoorte wat met ’n lang lys van ander bestanddele gekombineer kan word en elke keer ’n ander geurigheid na vore bring.
Tuisgebakte brood bly ‘n smullekker bederf en as jy nie ‘n geoefende gis-bakker is nie, is hierdie brood ideaal om met ‘n volgende braaivleis-ete te maak.
