by Heleen Meyer | Jun 22, 2018 | Baking, Extras
Tuisgebakte brood is nie net ’n lekker bederf nie, maar ook ’n heelwat gesonder opsie, want jy weet wat alles in die brood gebruik word. Winkelbrood voel dalk gerieflik, maar dit is dikwels van meer verfynde meel gemaak en hoog in bygevoegde sout of suiker. Sulke brood is dikwels minder vullend en voedsaam as ’n tuisgebakte brood. Die rysmiddel in die resep is bakpoeier, so dis nie nodig om iets te knie nie. As jy dalk skrikkerig is om ’n gisbrood te bak, is hierdie ’n maklike alternatief. Met ’n tuisgebakte brood kan jy selfs kleiner brode bak, om porsiebeheer makliker te maak.
by Heleen Meyer | Apr 6, 2018 | Breakfast, Light meals
’n Gekookte eier is ’n basiese en eenvoudige bestanddeel, baie voedsaam en nogal veelsydig. En tog, as jy nie mooi weet hoe om dit suksesvol te kook nie, kan dit nogal ’n katastrofe afgee. Almal weet hoe lyk ’n hardgekookte eier wat heeltemal ‘blou’ geword het in die dop. Of het jy al eiers gekook en dan is dit na ’n paar minute ’n redelike stryd om die pot vol gekraakte eiers (of sal mens dit oopgebars noem) klaargekook te kry, sonder dat al die eierwit in die water uitkook?
by Heleen Meyer | Sep 29, 2017 | Baking
Tuisgebakte brood bly ‘n smullekker bederf en as jy nie ‘n geoefende gis-bakker is nie, is hierdie brood ideaal om met ‘n volgende braaivleis-ete te maak.
by Heleen Meyer | May 1, 2017 | Accompaniments, Baking, Extras
Mieliebrood is een van daardie eg Suid-Afrikaanse resepte en ek ken min mense wat nie daarvan hou nie. Warm uit die oond met ‘n skraapseltjie botter is darem maar lekker, of jy dit nou met braaivleis of ‘n ander ete geniet. En ás daar iets oorbly, maak dit die lekkerste roosterbrood die volgende dag.
