Pink Lady® Appel compote
’n Pink Lady® Appel is heerlik om aan te peusel en selfs lekker in kos, maar beslis nie net vir daardie ‘beste-appeltert-ooit’-resep nie. Sout smake soos mosterd of kruie, is perfek saam met dié gewilde appel se kraakvars smaak. Appels, korrelmosterd, ’n bietjie asyn en siedaar – ’n baie lekker appel-compote wat op verskillende maniere gebruik kan word. Maak ’n flessie of twee vol en hou dit in jou yskas om ’n hamburger, varkworsie of stukkie steak in ’n japtrap op te kikker.
Ek het die vinnige compote ’n hele tyd gelede ontwikkel en op daardie stadium van die gedroogde Pink Lady® appelwiggies gebruik. Wanneer Pink Lady® appels in seisoen is, kan jy die lekker idee met een of twee vars appels maak. Gebruik net helfte van die vloeistof en prut tot effens stoperig en tot die appels net gaar is, maar nie uitmekaar val nie. Gelukkig behou Pink Lady® appels hul struktuur goed, selfs wanneer dit gaargemaak word. Dit sal waarskynlik binne 20-30 min gereed wees, afhangende van hoe groot die appelblokkies is.
1 ui, fyngekap
125 g Cecilia’s Farm Pink Lady® Apple Wedges (gedroogde appelwiggies), gekap
30 ml (2 e) korrelmosterd
10 ml (2 t) bruinsuiker
10 ml (2 t) balsamiese asyn
250 ml (1 k) wit wyn asyn of Rooibostee
2. Roer die res van die bestanddele by. Verlaag die hitte.
3. Prut 30-45 minute of tot die mengsel amper taai is. Voeg nog vloeistof by indien nodig.
4. Sit warm of teen kamertemperatuur voor met varkworsies, hoenderfilette of sien wenke vir meer idees. Skep warm compote in ’n gesteriliseerde fles, laat heeltemal afkoel en bêre in die yskas tot benodig
2. Sit die compote as deel van ’n kaasbord voor. Dit is lekker met enige beleë cheddar of camembert.
3. Roer die compote by koeskoes of gaar bruin basmatirys vir ’n interessante bygereg.
