Niemand gaan skeef kyk as jy so bietjie moet slurp aan die heerlike noedels nie, dis immers hoe dit geëet word. Die geurige bakkies aftreksel met bestanddele in die vloeistof, kom oorspronklik uit China, maar die Japanese het dit gewild gemaak. Maak die resep sommer baie binnekort!
Het jy al self ‘butter chicken’ gemaak? Die aromatiese hoendergereg is watertand-lekker en baie makliker om voor te berei as wat jy dalk gedink het. Dit vra net so bietjie beplanning, want al wat jy moet onthou is om die hoender vooraf vir ’n uur of twee te marineer – dit gee die beste geur. Die res word in drie vinnige stappe gedoen.
Perfekte gesinskos! Hoender, sampioene en broccoli is altyd ‘n goeie kombinasie. Die lae-koolhidraatgereg is heerlik vullend.
Die wortels maak die gereg lekker kleurvol en is genoeg stysel vir die ete, so dit kan net so voorgesit word. As julle verkies, geniet dit saam met klein porsies bruinrys of bruin basmatirys.
Kyk, party bestanddele is nou maar eenmaal ’n wonderlike kombinasie, soos vars kruie en suurlemoen. Of basiliekruid en tamatie. Sit nou ’n bietjie fetakaas by en almal gaan hul lippe aflek. Moenie huiwerig wees om ’n heel hoender soos dié plathoender voor te berei nie – volg net die stappe, dis regtig maklik. As die hoender só gaargemaak word, lyk dit indrukwekkend, word mooi eweredig gaar en is baie maklik om in porsies op te sny.’n Besonderse ete!