Geroosterde kool & spek met heuning-mosterd

Geroosterde kool & spek met heuning-mosterd

Kool en spek is ’n bekende kombinasie en beide is ekstra lekker as dit gerooster is. Die soetsuur smaak van mosterd is perfek in hierdie eenvoudige, maar geurige bygereg. Moenie die kool te lank rooster nie, want dit moet net gaar en beslis nie pap wees nie. Die twee kleure kool lyk mooi, maar net witkool sal dit ewe lekker wees.

Marokkaanse koeskoes

Marokkaanse koeskoes

Kyk net al die K’s: komyn, ’n tikkie kaneel, koljanderblare, kruisement en koeskoes – wat ’n wonderlike kombinasie. Die Marokkaanse geure is perfek saam met die andersins neutrale smaak van koeskoes en dis so ’n maklike bygereg om te maak. Dit kan net so met geroosterde vis, hoender of vleis voorgesit word en koeskoes kan ook ’n souserige gereg heerlik absorbeer.
In dié resep word ui en botterskorsie met my gunsteling-spesery, komyn, in die oond gerooster en dan met geroosterde amandels en vars kruie gebruik om die koeskoes te geur. Kruisement- en koljanderblare is perfekte pasmaats vir die speserye en ander bestanddele. Die verskillende bestanddele gee die bygereg ook ’n interessante tekstuur. Hierdie weergawe kan maklik vooraf berei word, maar voeg die kruie en amandels by net voor dit voorgesit word.

Italian baby marrow bake

Italian baby marrow bake

Veggies can brighten up any meal and this combination of brinjal, baby marrows, red pepper, tomatoes and onions is not only colourful but delicious too. The topping of cheese, herbs and lemon rind, is much healthier than a rich cream based sauce, often used for side dishes like a potato bake. This side dish is bound to become the favourite at your next braai. 

Spinasie-gereg met bone

Spinasie-gereg met bone

Met die regte kombinasie van bestanddele en ’n effektiewe gaarmaakmetode, kan jy ’n paar bekende en redelik basiese bestanddele, maklik in ‘n feesmaal omskep. Botterbone, tamaties en spinasie kry ’n nuwe geurejas as dit so bietjie gesoteer word en ’n balsamiese geur bykry.
Op 14 November is dit Wêreld Diabetes-dag en vir die hele maand lê die klem op die koskeuses en leefstyl wat dit vir diabete en hul gesinne makliker maak om die simptome van diabetes te bestuur. Die fokus vir diabete, om hul bloedsuikervlakke te bestuur, is eintlik soos ons almal behoort te eet. Kies kossoorte wat voedsaam is, jou lank genoeg versadig gaan hou en nie kosse is wat jou bloedsuikervlakke te vinnig laat styg en weer laat val nie. Wanneer jou bloedsuikervlakke te veel wissel, is mens geneig om heeltyd honger of peuselrig te voel.

error: Content is protected !!

Pin It on Pinterest