Spinasie-en-mieliebakkies

Resep aangepas Cooking from the heart.

Lewer 12 bakkies

Eier is ‘n wonderlike proteïen en so veelsydig om deel te maak van verskillende maaltye van die dag. In hierdie kosblik, is dit deel van die mieliebakkies, lekker gesond en vullend. Die muffin-grootte happies is maklik om in te pak en te hanteer, so perfek as deel van ‘n gesonde kosblik.

1 x 410 g-blik geroomde suikermielies

4 eiers, geklits

3 groot spinasieblare of 2-3 handevol babaspinasie, grof geskeur

100 ml koekmeel

15 ml (1 e) olyf- of avokado-olie

5 ml (1 t) paprika

1,2 ml (¼ tsp) sout

suurlemoensap en swartpeper na smaak

1. Voorverhit die oond tot 180 °C en smeer ‘n muffinpan liggies met olie.

2. Meng al die bestanddele in ‘n groot bak saam tot goed gemeng. Geur na smaak met suurlemoensap en peper.

3. Skep mengsel in muffinpan en sprinkel ekstra paprika oor. Bak 20 minute of tot gestol en gaar. Skep uit die pan en laat afkoel.

1. Geniet die bakkies warm of teen kamertemperatuur.

2. Strooi sesamsaad oor voor dit gebak word.

3. Hierdie resep is ook lekker vir ‘n ontbyt-idee.

Foto: Adel Ferreira.