Geroosterde kekerertjies met speserye

Geroosterde kekerertjies met speserye

’n Eenvoudige speserymengsel met ’n skeut suurlemoensap en olie is perfek om kekerertjies in ’n opwindende element te omskep. Die kekerertjies word in dié mengsel gerooster tot dit bros is en dan is dit sommer ekstra veelsydig. Vegetariese etes gebruik gereeld kekerertjies, aangesien dit ’n goeie bron van proteïen en koolhidrate is. Dit het ook die vermoë om ander geure wonderlik te absorbeer en juis daarom is die resep so ideaal.

Romerige mieliepap met geroosterde groente

Romerige mieliepap met geroosterde groente

Mieliepap – wat is die herinnering wat dit by jou oproep? Ek het daarmee groot geword en is baie lief daarvoor, en beslis meer as bygereg met braaivleis, as vir ontbyt. Maar die moontlike maniere om dit voor te sit, strek baie verder as net met braaivleis. Hoe klink geroosterde groente met kaas, neute, kruie en olyfolie op romerige mieliemeel? Dis ewe lekker as laat-ontbyt of vegetariese ete.

Groente-frittata & Rooibos-jogurt met appel & kaneel

Groente-frittata & Rooibos-jogurt met appel & kaneel

Soms doen ’n mens baie moeite met die grootste ete van die dag, maar die ander etes bly so bietjie vergete. Met die regte kombinasie van bestanddele en gaarmaakmetodes of maniere waarop iets voorgesit word, kan selfs die eenvoudigste ete ’n feesmaal wees. As deel van ’n gesonde leefstyl, is dit ook belangrik dat selfs hierdie ligter of kosblik-etes net so voedsaam en gebalanseerd as die hoofete van die dag moet wees.

Patat-nachos met tuisgemaakte chakalakasous

Patat-nachos met tuisgemaakte chakalakasous

Ek kan nou ’n lang storie skryf oor hoe lekker die peuselhappies is, maar maak dit liewer net en geniet dit terdeë. Sit dit vir vriende en familie voor as julle weer sport kyk, om ’n braaivleisvuur of voor ’n kaggel kuier. Of dalk wil jy jou kinders met die patat-nachos bederf terwyl hulle vir die eksamen leer. So ’n plank vol knibbelhappies is selfs ’n lekker alternatief vir ’n voorgereg.

Sampioenkerrie

Sampioenkerrie

Warm bakkies en borde kos vir koue dae is binnekort aan die orde van die dag. En in die winter eet mens graag iets wat jou maag en hart warm maak, maar dit hoef nie noodwendig swaar te wees nie. Hierdie vegetariese sampioenkerrie is geurig en vullend, maar beslis nie swaar nie. Dis blitsvinnig om te maak, want jy geur basies die vloeistof met lekker wintergeure soos gemmer, knoffel, ’n bietjie brandrissie en sitrusgeure en maak dan ’n variasie sampioene daarin gaar. Die resep kan ewe maklik as ’n bredie met ’n lepeltjie rys of as ’n sop voorgesit word. Sampioene is voedsaam en vullend genoeg, dat jy nie eers die vleis hierin gaan mis nie.

error: Content is protected !!

Pin It on Pinterest