Soteer groente soos sampioene, boontjies, murgpampoentjies en ertjies is blitsvinnig in ’n pan en geur dit met korrelmosterd en kruisement vir ’n spesiale ete. Die eier maak dit lekker vullend en dis ’n ete wat perfek is vir enige tyd van die dag.
Roereier is seker een van die eenvoudigste en vinnigste etes om voor te berei. Sit jy nou boonop ’n paar lekker bestanddele by, dan het jy in ’n japtrap ’n ete wat menige se monde sal laat water. Eier is een van daardie kossoorte wat met ’n lang lys van ander bestanddele gekombineer kan word en elke keer ’n ander geurigheid na vore bring.