Panna cotta is normally made with cream, but it can be very rich. This is my favourite version and it is much healthier as I use less cream. Buttermilk and yoghurt split quite easily when heated, so follow the method carefully for the best results.
Wortelkoek word dikwels met ’n roomkaasversiersel voorgesit, maar probeer gerus hierdie weergawe met ’n karameldrupsel met ’n tikkie sout by.
Dié gebakte pere is só maklik om te maak en bestaan uit ’n paar eenvoudige bestanddele. Die resultaat is ’n smaak-avontuur. Die subtiele speserygeure is perfek met die gekaramelliseerde smaak van die pere. Sit dit net so voor, of bedien dit met een van die opsies in die resep – die Griekse jogurt is beslis my eerste keuse.
Op ’n koue dag maak die poeding jou hart én maag warm. Die gebakte suurlemoenpoeding met sy soetsuursous onder in die bak is alombekend. My ma, Letteli Nel, het eendag besluit om grenadellapulp by die beslag te roer en wat ’n verrassing! Nou is dit ons ‘onthoukos’, want my kinders vra altyd dat ek die poeding so moet maak.
Beïndruk almal met dié spesiale bessietert. Die delikate broskors is nie moeilik om te maak nie en dit word gevul met ’n tuisgemaakte bakkersvla (crème pâtissière). Die tikkie suurlemoen en vanielje in die bakkersvla en ’n fees van vars bessies, is ongelooflik lekker.