Botterskorsie is een van my gunsteling-groentes. In hierdie feestelike slaai dien dit beide as groente en stysel. Die geroosterde botterskorsie en beet en is absoluut heerlik saam met die bokmelkkaas en dukkah.
In die feestyd is dit altyd lekker om ’n resep of twee te hê wat moeiteloos is om voor te berei en op verskillende maniere voorgesit kan word. Almal wil lekker eet, maar nie noodwendig ure in die kombuis moet spandeer nie. Dié geurige geroosterde botterskorsie met kekerertjies en bone is ’n ideale resep vir die vakansie.
