Tortilla-wiggies & quesadillas

Tortilla-wiggies & quesadillas

Lekker eet – of soos die Meksikaane sê: Buen provecho!
Die geure, kleure en smake wat met Meksiko vereenselwig word, is opwindend, helder en iets waarvan Suid-Afrikaners baie hou. Heelwat van die bestanddele wat in Meksikaanse geregte gebruik word, is ook tipies aan ons mooi land. Hul koskultuur is vir hulle net so belangrik soos wat dit vir ons is om lekker te eet. En die samesyn om ’n tafel is net so kenmerkend van ’n Meksikaanse ete as ’n hartlike Suid-Afrikaanse ete.

Marokkaanse koeskoes

Marokkaanse koeskoes

Kyk net al die K’s: komyn, ’n tikkie kaneel, koljanderblare, kruisement en koeskoes – wat ’n wonderlike kombinasie. Die Marokkaanse geure is perfek saam met die andersins neutrale smaak van koeskoes en dis so ’n maklike bygereg om te maak. Dit kan net so met geroosterde vis, hoender of vleis voorgesit word en koeskoes kan ook ’n souserige gereg heerlik absorbeer.
In dié resep word ui en botterskorsie met my gunsteling-spesery, komyn, in die oond gerooster en dan met geroosterde amandels en vars kruie gebruik om die koeskoes te geur. Kruisement- en koljanderblare is perfekte pasmaats vir die speserye en ander bestanddele. Die verskillende bestanddele gee die bygereg ook ’n interessante tekstuur. Hierdie weergawe kan maklik vooraf berei word, maar voeg die kruie en amandels by net voor dit voorgesit word.

Roasted veggies with hummus-yoghurt sauce

Roasted veggies with hummus-yoghurt sauce

I could eat roasted veggies any day, especially if there’s cumin added! I also love hummus and in this dish it makes the perfect sauce. These veggies are also really versatile, they can be enjoyed as a light vegetarian meal or as a side dish with roasted chicken. Use them in any salad or stir into couscous and a handful or two of fresh coriander, basil leaves and roasted nuts. They are great at room temperature as part of a lunch box or delicious on pizzas or in sandwiches.

Jaffels met twee vulsels

Jaffels met twee vulsels

Jaffels is vir baie mense sinoniem met hul kinderdae of ’n kerkbasaar. Deesdae is dit weer baie gewild en menige van ons het weer ’n ma of ouma se jaffelpan iewers gaan uitkrap. Volgens die kalender, het die somer ook amptelik aangebreek en Suid-Afrikaners het nie veel uitnodiging nodig om dan ’n vuur aan te steek nie. Ons sal ’n wye verskeidenheid kos en geregte oor die kole gaarmaak en vir party van ons is dit juis die lekkerte van vakansietye. Dis ook ’n tyd om met familie en vriende te kuier en as kosmaak deel van die gesellige samesyn is, soveel te beter. Hierdie jaffels (ek noem hulle sommer ronde kolebroodjies) is ’n uitstekende voorbeeld van iets wat sommer so tussen die gesels deur, gemaak kan word.

Skemerkelkiehappies

Skemerkelkiehappies

Die feestyd is om die draai en met elke funksie of kuier met familie, vriende en kollegas is daar altyd iets te ete. Dit maak my moedeloos as borde eetgoed uit net nog ’n diepgebraaide happie of nog iets in ’n degie van een of ander aard is. Dan lyk die tamaties of komkommer wat dikwels eintlik die garnering is, sommer ekstra lekker. So as dit my beurt is om eetgoed te maak, kies ek eerste iets wat ook uit vars bestanddele bestaan.

error: Content is protected !!

Pin It on Pinterest