Blomkool-&-appelsop met eiers & avo

Blomkool-&-appelsop met eiers & avo

otterskorsiesop is seker een van die bekendste sopresepte. Die manier waarop dit gemaak word, is ook ideaal vir ’n verskeidenheid van ander verpulpte groentesoppe. Blomkool is geen uitsondering nie en met die kombinasie van appels en komyn as geurmiddel, is dit baie interessant. Die sop is baie maklik om te maak en as jy dit dan met ’n geposjeerde eier en avokado voorsit, het jy ’n volledige en voedsame ete.

Geroosterde patat & appel met avo & mayo

Geroosterde patat & appel met avo & mayo

Bakkies met winterkos is op vandag se spyskaart en propvol geur. Vars gemmer, suurlemoen, brandrissie en knoffel is die ideal kombinasie vir ’n smullekker winterete. Dié geurmiddels is heerlik saam met ’n wye verskeidenheid bestanddele en pas ewe goed by die natuurlike soet smaak van patats en appels om ’n goeie balans van geure te gee. Verder is die vier geurmiddels ook bekend vir hul natuurlike gesondheids-eienskappe, so selfs nog meer geskik vir ’n voedsame wintersete.

Heuning-&-hawermoutbrood

Heuning-&-hawermoutbrood

Tuisgebakte brood is nie net ’n lekker bederf nie, maar ook ’n heelwat gesonder opsie, want jy weet wat alles in die brood gebruik word. Winkelbrood voel dalk gerieflik, maar dit is dikwels van meer verfynde meel gemaak en hoog in bygevoegde sout of suiker. Sulke brood is dikwels minder vullend en voedsaam as ’n tuisgebakte brood. Die rysmiddel in die resep is bakpoeier, so dis nie nodig om iets te knie nie. As jy dalk skrikkerig is om ’n gisbrood te bak, is hierdie ’n maklike alternatief. Met ’n tuisgebakte brood kan jy selfs kleiner brode bak, om porsiebeheer makliker te maak.

Beesvleisbredie met kool & appel

Beesvleisbredie met kool & appel

Die geurigheid van ’n winterbredie bring vir elkeen sy eie herinneringe en almal het hul gunsteling. Dalk is dit tamatiebredie, waterblommetjiebredie, of ’n bredie met kluitjies bo-op. Soveel groente is lekker in ’n bredie en verskillende snitte stowevleis kan gebruik word, solank dit net lank en stadig gaar word, tot dit sag en geurig is.

Patat-nachos met tuisgemaakte chakalakasous

Patat-nachos met tuisgemaakte chakalakasous

Ek kan nou ’n lang storie skryf oor hoe lekker die peuselhappies is, maar maak dit liewer net en geniet dit terdeë. Sit dit vir vriende en familie voor as julle weer sport kyk, om ’n braaivleisvuur of voor ’n kaggel kuier. Of dalk wil jy jou kinders met die patat-nachos bederf terwyl hulle vir die eksamen leer. So ’n plank vol knibbelhappies is selfs ’n lekker alternatief vir ’n voorgereg.

Hoender-en-mieliesop vir die winter

Hoender-en-mieliesop vir die winter

Dié hoendersop is vir my gesin ’n genotvolle koesterkos-ete en ek kan dit maar gereeld maak, want almal geniet dit elke keer. Dis ’n uitstekende voorbeeld van ’n maklike gaarmaakmetode wat bydra tot die geurigheid van die sop. Daar word nie aftreksel vir die sop gebruik nie, want die hoenderstukke word in water en geurmiddels geprut om ’n aftrekselbasis vir die sop te vorm. Die res van die bestanddele en geurmiddels is voldoende om ’n baie smaaklike ete te wees.

Pin It on Pinterest