Italiaanse geroosterde sampioene

Italiaanse geroosterde sampioene

Die gevulde en geroosterde sampioene mag dalk soos klein pizzas lyk, maar dis inderdaad baie meer as dit. Gebruik die idee as ’n voorgereg of bygereg vir ’n volgende braaivleis-ete. Die beginsel om met vars bestanddele wat mekaar goed aanvul, tuisgemaakte kos voor te berei, is die fokus van soveel van die resepte wat al op In&UitKosblik gebruik is

Gourmet oop-broodjies met twee vulsels

Gourmet oop-broodjies met twee vulsels

Interessante brood met vars bolaag- of vulselbestanddele, wat mekaar se geure aanvul, is genoeg om ’n gewone toebroodjie in ’n gourmet-broodjie te omskep. Brood hoef lankal nie meer net kaas en tamatie of kaas en konfyt as smeersel te kry nie. Deesdae kan jy regtig kreatief raak met dit wat ’n toebroodjie-ete gaan word. Oop-broodjies is ewe gewild en lyk pragtig.

Sampioenkerrie

Sampioenkerrie

Warm bakkies en borde kos vir koue dae is binnekort aan die orde van die dag. En in die winter eet mens graag iets wat jou maag en hart warm maak, maar dit hoef nie noodwendig swaar te wees nie. Hierdie vegetariese sampioenkerrie is geurig en vullend, maar beslis nie swaar nie. Dis blitsvinnig om te maak, want jy geur basies die vloeistof met lekker wintergeure soos gemmer, knoffel, ’n bietjie brandrissie en sitrusgeure en maak dan ’n variasie sampioene daarin gaar. Die resep kan ewe maklik as ’n bredie met ’n lepeltjie rys of as ’n sop voorgesit word. Sampioene is voedsaam en vullend genoeg, dat jy nie eers die vleis hierin gaan mis nie.

Mieliepaptert met sampioene

Mieliepaptert met sampioene

Het jy ook met pap as ’n stysel vir etes grootgeword? Veral met braaivleis of wors en sous? Ek is dol daaroor, maar ander kan glad nie verstaan dat ’n mens hieroor opgewonde kan raak nie. Daar is ook verskillende maniere waarop liefhebbers daarvan hou – fyn krummels, loperig, in groot, sagte klonte of dan soos hier in ’n paptert-styl gebak.

Sampioen-lasagne met appelslaai

Sampioen-lasagne met appelslaai

Van kleins af, is lasagne hoog op my lys van koesterkos-geregte. As my ma ons wou bederf of wanneer jy kon kies watter gunsteling jy vir jou verjaarsdagete wil hê, was lasagne gereeld eerste genoem. Ja, lasagne bestaan uit lae geurige maalvleis en pasta met ’n kaassous, maar met deesdae se innoverende kosneigings, is dit nie meer die enigste manier waarop dié bekende gereg gemaak kan word nie. Die pasta word dikwels met groente van ’n soort vervang of die maalvleis word selfs hoender, of vis – daar is baie opsies.

Maalvleis, sampioene en spinasie is ’n heerlike kombinasie en ideaal om inderdaad ’n glutenvrye-lasagne mee te maak. En al gebruik jy nie ’n kaassous bo-op nie, is ’n mengsel van karringmelk, kruie en kaas ewe lekker. Onthou, kaassous word tipies met meel gemaak, so dit bevat ook gluten, soos die pasta.

Gebakte klein grenadella-kaaskoekies

Gebakte klein grenadella-kaaskoekies

Grenadella-kaaskoek is beslis iets wat my oog sal vang. En as dit met vars vye, granate en druiwe gegarneer is, soveel te meer. Dis so ’n maklike resep, dat selfs dié wat nog nooit ’n kaaskoek gebak het nie, die mooie klein weergawes maklik onder die knie sal kry.
Gesonde eetgewoontes beteken beslis nie dat ’n mens nie van tyd tot tyd iets soets mag eet nie. Die belangrikste is om te kyk hoe groot die porsie is en die nagereg met gesonde bestanddele te maak. Hoe minder suiker, hoe beter, want daar is ander maniere om ’n soet en lekker smaak aan iets soos die kaaskoekies te gee. Vanielje en vars seisoensvrugte is ’n uitstekende kombinasie en met suiwel en grenadella is jy reeds op die regte spoor.

Pin It on Pinterest