Sjokoladekolwyntjies met appel

Sjokoladekolwyntjies met appel

Suid-Afrikaners is dol oor bak. En hierdie tyd van die jaar is dit beslis een of ander tyd deel van almal se feestydbeplanning. Sjokolade en kaneel is ’n smullekker kombinasie en in hierdie klam kolwyntjies is die subtiele smaak van die kaneel baie lekker – veral omdat dit ook met appel gekombineer word. Dit mag dalk na ’n vreemde kombinasie klink, maar om die suiker in die kolwyntjies minder te maak, is die natuurlike soet smaak van appels gebruik. En appel en kaneel vul mekaar se smake altyd baie goed aan.

Gesonde peuselhappies vir kinders

Gesonde peuselhappies vir kinders

Mieliemeelmuffins, ’n knibbelhappie met appel, klapper en neute of dalk groentekebabs – dis alles peuselkos waarvan my kinders baie hou. As ek met lekker en gesonde peuselgoed hul eksamentyd so bietjie makliker kan maak, dan doen ek dit met liefde. ’n Mens voel mos dikwels lus vir iets om te eet as jy vir lang tye moet sit en swot. Die idees is natuurlik ook perfek vir die hele gesin se kosblikke. En oor ’n maand is dit amper vakansietyd, so dan is hierdie happies sommer lekker padkos ook.

Braai-bygeregte: bierbrood & slaai

Braai-bygeregte: bierbrood & slaai

Braaivleis, rugby, sonskyn en Chevrolet… dis ’n bekende sê-ding uit die 70’s wat mense vandag nog gebruik. Dit het begin as die klingel vir die destydse Springbok Radio. Ek is nie noodwendig passievol oor rugby of Chevs nie, maar vir sonksyn en braaivleis, sê ek enige dag, ‘Ja!’
Braaivleis is ook lankal nie net meer tot steak, tjops en wors beperk nie. Deesdae is daar ’n lang lys van lekkertes wat oor die kole gaargemaak kan word, of met iets wat oor die kole was, voorgesit kan word.

Heuning-&-hawermoutbrood

Heuning-&-hawermoutbrood

Tuisgebakte brood is nie net ’n lekker bederf nie, maar ook ’n heelwat gesonder opsie, want jy weet wat alles in die brood gebruik word. Winkelbrood voel dalk gerieflik, maar dit is dikwels van meer verfynde meel gemaak en hoog in bygevoegde sout of suiker. Sulke brood is dikwels minder vullend en voedsaam as ’n tuisgebakte brood. Die rysmiddel in die resep is bakpoeier, so dis nie nodig om iets te knie nie. As jy dalk skrikkerig is om ’n gisbrood te bak, is hierdie ’n maklike alternatief. Met ’n tuisgebakte brood kan jy selfs kleiner brode bak, om porsiebeheer makliker te maak.

Gebakte klein grenadella-kaaskoekies

Gebakte klein grenadella-kaaskoekies

Grenadella-kaaskoek is beslis iets wat my oog sal vang. En as dit met vars vye, granate en druiwe gegarneer is, soveel te meer. Dis so ’n maklike resep, dat selfs dié wat nog nooit ’n kaaskoek gebak het nie, die mooie klein weergawes maklik onder die knie sal kry.
Gesonde eetgewoontes beteken beslis nie dat ’n mens nie van tyd tot tyd iets soets mag eet nie. Die belangrikste is om te kyk hoe groot die porsie is en die nagereg met gesonde bestanddele te maak. Hoe minder suiker, hoe beter, want daar is ander maniere om ’n soet en lekker smaak aan iets soos die kaaskoekies te gee. Vanielje en vars seisoensvrugte is ’n uitstekende kombinasie en met suiwel en grenadella is jy reeds op die regte spoor.

Chocolate & nut cake

Chocolate & nut cake

Treat family or friends to a lovely chocolate and nut cake. No one will expect the touch of cinnamon, and how well it combines with the buttery cake, chocolate pieces and nuts, until that first mouthful.
The recipe uses a lot of eggs in the batter, which gives the cake its richness, texture and flavour, and is a better option than too much butter and sugar. The cake also keeps well and doesn’t dry out easily.

Pin It on Pinterest