Subscribe to Posts

Enter your email address to subscribe to this blog and receive notifications of new posts by email.

Worsies en bone met basiliekruid

May 12, 2017 | Light meals, Light meat

Worsies en bone met basiliekruid

Resep uit Onthoukos / Food from the heart

Lewer 6 porsies

’n Vinnige manier om ’n klomp honger mae vol te kry.

Bestanddele

500 g boerewors

2 groot uie, gehalveer en in dun skyfies gesny

1 groot knoffelhuisie, gekneus

15 ml gedroogde basiliekruid

250 g knopiesampioene, in dik skywe gesny

15 ml koekmeel

1 x 410 g blik boontjies in tamatiesous

1 x 410 g gekapte tamaties

10 ml Worcestershiresous

20 ml sagte bruinsuiker

sout en varsgemaalde swartpeper na smaak

15 vars basiliekruidblare en ekstra vir garnering

Metode

1. Braai wors oor matige hitte in ’n groot braaipan tot gaar en skep uit. Laat effens afkoel en sny dan in diagonale skyfies.

2. Gebruik dieselfde braaipan en soteer uie tot amper sag. Voeg knoffel, basiliekruid en sampioene by en soteer tot sampioene net begin sag word. Verlaag temperatuur.

3. Roer meel deeglik deur en voeg dan wors, boontjies, tamaties en geurmiddels, behalwe vars basiliekruidblare by.

4. Prut vir 5-7 minute saam, geur na smaak en sit op mieliepap, kapokaartappels of koeskoes voor.

Wenk

1.  Varkworsies is ook heerlik in die gereg.

Pin It on Pinterest

Share This