Subscribe for more recipes

Enter your email address to subscribe to this blog and receive notifications of new posts by email.

Spinasie-en-mieliebakkies

Jul 18, 2016 | Kosblik 101 / Lunch boxes

Kosblik 101

Spyskaart

Spinasie-en-mieliebakkies met avo (resep uit Cooking from the heart)

Vars groente van jou keuse, bv. groenboontjies, seldery, tamaties en soetrissie

ClemenGold sap

Cecilia’s Farm Date & Nut Bars (dadel-en-neutstafies)

Dis Mandela-dag en ’n dag waarop baie mense moeite doen om vir ander op verskillende maniere om te gee. Dit beteken nie noodwendig dat daardie omgee wyd en ver van jou af hoef te wees nie, want gesonde etes, hetsy op ’n bord of in ‘n kosblik vir jou eie gesin, is net so ’n goeie langtermyn belegging én ’n plek waar jy ’n verskil kan maak.

Die spinasie-en-mieliebakkies op vandag se spyskaart kom uit Pharma Dynamics se tweede Cooking from the heart resepteboek. In die boek is daar heelwat resepte vir onbyt en inpak-middagetes en praktiese wenke vir kosblikke. Besoek gerus hul webwerf vir nog van hierdie heerlike resepte. Pharma Dynamics het ‘n hele projek ontwikkel waarmee hulle ons almal probeer aanmoedig om gesonde leefstyl-gewoontes aan te leer. Volg gerus ook hul Facebook-blad om gereeld op hoogte te bly van nog idees en maklike resepte.

Eier is ‘n wonderlike proteïen en so veelsydig om deel te maak van verskillende maaltye van die dag. In hierdie kosblik, is dit deel van die mieliebakkies en saam met avo en ‘n paar vars groente-stukkies, lekker gesond en vullend. Die muffin-grootte happies is maklik om in te pak en te hanteer, so perfek as deel van ‘n gesonde kosblik.

Een van die gesonde beginsels wat Cooking from the heart ons leer, is dat tuisgemaakte eetgoed dikwels heelwat gesonder is as voorafbereide kos uit ‘n supermark. As jy dit self maak, weet jy presies wat daarin is en wat jy en jou gesin eet. Dis dan sommer ook makliker om gebalanseerde etes te verseker. Geniet die spinasie-bakkies met avokado wat nou in seisoen is. Dis ‘n bestanddeel wat propvol gesonde omega olie is en jy kan met gemak ‘n halwe avokado per dag geniet.

‘n Ander vrug wat nou in seisoen is, is ClemenGolds, wat deel is van die sagte sitrus-familie. Die vrugte word aan die boom ryp en is heerlik soet. Die suiwer sap is nou beskikaar en omdat daar geen preserveermiddels of ander byvoegings is nie, kan jy dit met ‘n geruste hart deel maak van jou etes. Besoek hul webwerf om meer oor die vrugte te leer wat so maklik skil, feitlik pitloos is en ‘n goeie dosis vitamien C en ander voedingswaarde bevat.

Gesonde eetgewoontes beteken ook dat peuselhappies slim gekies moet word. Cecilia’s Farm het ‘n wye verskeidenheid produkte van uitmuntende gehalte om van te kies en baie daarvan is juis geskik vir die hele gesin se kosblikke. Die verpakking is pragtig en genoeg om ‘n mens lus te maak vir die reeks droëvrugte, neute en ander produkte. In hierdie week se #Kosblik is hul splintenuwe handgemaakte dadel-en-neutestafies die perfekte lekkerny. Dis ‘n gesonde keuse en jy het die opsie om een met amandel en kakao of klapper en kasjoneute of makadamia-neute te geniet. Dadels is ‘n natuurlike bron van suiker en die neute gee dit ekstra geur en vesel – baie gesonder as ‘n sjokoladestafie. Besoek hul aanlynwinkel sommer vandag en onthou om hul spesiale aanbod te gebruik. Die kodewoord is ‘kosblik2016’ en dan kwalifiseer jy vir 10% afslag en gratis aflewering.

Resepte

Spinasie-en-mieliebakkies

Lewer 12 bakkies

Bestanddele

1 x 410 g-blik geroomde suikermielies

4 eiers, geklits

3 groot spinasieblare of 2-3 handevol babaspinasie, grof geskeur

100 ml koekmeel

15 ml (1 e) olyf- of avokado-olie

5 ml (1 t) paprika

1,2 ml (¼ tsp) sout

suurlemoensap en swartpeper na smaak

Metode

1. Voorverhit die oond tot 180 °C en smeer ‘n muffinpan liggies met olie.

2. Meng al die bestanddele in ‘n groot bak saam tot goed gemeng. Geur na smaak met suurlemoensap en peper.

3. Skep mengsel in muffinpan en sprinkel ekstra paprika oor. Bak 20 minute of tot gestol en gaar. Skep uit die pan en laat afkoel.

Wenke

1. Geniet die bakkies warm of teen kamertemperatuur.

2. Strooi sesamsaad oor voor dit gebak word.

3. Hierdie resep is ook lekker vir ‘n ontbyt-idee.

Pin It on Pinterest

Share This